Iscoberta pro casu in su 1903 e esplorada in sos annos 1904 - 1908, 1936 e 1967, sa necropoli Anghelu Ruju est fatta de 37 aposentos artifitziales funerarios (domus de Janas) e una tumba a fossu, iscavadasa a marrapiccu liticu a curtzu a su riu Filibertu.

Sas cavidades ipozeicas sunt de su neoliticu retzente - enoliticu (3300 - 2700 a.C.), sunt totu pluritzellulares e sos limenarzos sunt de su tipu a potzeddu (prus antigu), o a corridoju iscorvecadu, prus evoludu de su primu.

S'architetura de sas tumbas sunt imbellidas cun iscalinos, colondras, alcovas, cornitzes, fassas e architraes fintos, disinnados a modu de sas domos de sos biventes, corros de trau, jannas fintas, ischemas zeometricos isculpidos in sos aposentos prus ampios, de seguru  pro sos ritos funerarios.

(c) 2003 Faeddos