---------------------SOMMARIU---------------------
Su situ www.nurighe.it , chi amus apparitzadu dae pagu, est dedicadu a s’iscoberta paleontologica fatta dae sa Truma de Arkeo-Guturulugia “Monte Majore” de Thiesi (SS) in sa corona (atteros narant “grutta”) de Nůrighe (in su de Chéremule) e chi rivolutzionat sas connoschentzias subra sa presentzia de s’omine in Sardigna.
Su fattu istat chi daboi de pius de 500 metros de istrintolzos masu allagados amus appidu un’isterrida de ossos fossiles de animales, massimamente chervos, chi non benit bene a lu narrer!
B’at puru una falange umana chi datat a su Pleistocene inferiore, calchi 250 miza annos como... s’ossu umanu pius antigu appidu in Sardigna fintzas a como.
Inoghe si assebestat bene sa
positzione e sa proportzione
chi s'ossu appidu in sa corona at
in sa manu de un'omine de oe.
[ Su
fossile, pro cantu nd'ischimus,
est in manos de sos istudiosos
de s'Universidade de Tattari ]
Su situ mustrat cun friguras, fotografias e contos s’importantzia de s’iscoberta e documentat sa bundantzia de repertos fossiles, passende pro sas tappas de s'avventurosa esploratzione e de s’istudiu de sa corona.
Ischedas a tema, cullegamentos e
approfundimentos irricchint su situ dendeli una utilidade didattica.
Pro chi trattat de s’istoria de sa Sardigna e de sos omines chi l’ant abitada dae sas origines, amus cretidu importante de proporre su situ a sos visitadores de Internet in duas limbas: sardu e italianu.
Sa versione in inglesu est in preparatzione, pro poder dare a sos istranzos puru un’idea giara e pretzisa.
Protagonistas sunt, pius de sas iscobertas, sa podda leada suttaterra ei sa passione chi nos at permissu de l’agguantare e chi isperamus de esser resessidos a trasmittere puru a chie non si ch’est mai tzaccadu in d’una corona.
E sigomente non cherimus icobiare tottu pro non bo chi ogare su gustu de “esplorare” sa grutta a aju ostru, bos saludamus cun affettu.
Ringratziamus a tottu sos chi
cherent passare virtualmente umpare a nois unu quartu de ora “suttaterra” e chi
nos ant a iscriere itte nde li est parfidu!
Antoni ‘e Serra
info@nurighe.it
Truma de Arkeo-Guturulugia “Monte Majore” -
Thiesi
Via Musio 1, 07047 Thiesi
(SS)
(c) 2003 Faeddos